Saltnes

© Styrelsen for Dataforsyning og Infrastruktur
Lærarin Johannes Petersen hevði stóran týdning fyri Saltnes, har hann hevði sítt virki mitt í 1800-talinum og aftur frá 1872.
8966F0000002, TJÓÐSAVNIÐ

Fyrsta búsetingin í Saltnesi var í 1837. Bygdin er týdningarmikil í føroyskari skúlasøgu. Í 1843 var tilfarið úr gomlu Nes kirkju brúkt til at byggja skúla og lærarabústað í Saltnesi, og skúlin, sum byrjaði í 1845, fevndi um bygdirnar Saltnes, Nes, Toftir, Glyvrar og Strendur. Johannes Petersen úr Klaksvík varð settur sum lærari. Í 1854 vórðu allir bygdarskúlar niðurlagdir, til ein nýggj lóg um bygdarskúlar kom í 1872, men Johannes Petersen bleiv longu í 1870 settur aftur sum lærari í Saltnesi. Skúlin stongdi í 1895, tá ið skúlin á Toftum læt upp. Johannes Petersen var farin frá fyri aldur árið fyri, men dóttir hansara, Johanna Petersen, sum hevði verið hjálparlærari síðani 1888, helt fram sum lærari restina av lívinum á Toftum. Johannes Petersen var faðir próstin Fríðrik Petersen. Har búgva 139 fólk í Saltnesi.

Les meira

Les meira um oyggjar, býir og bygdir í Føroyum