Gøtugjógv

Við Gøtugjógv búgva 44 fólk og har eru 6 merkur av festijørð, festini eru 2. Seyðatalið er 100 áseyðir.

Bygdin hevur navn eftir gjónni, sum har er. Ein bóndasonur av Húsagarði í Syðrugøtu flutti higar í 1600-talinum, og umleið 1800 varð garðurin býttur í helvt. Seinni búsettust fleiri í økinum. Tá ið ein brúgv varð bygd um gjónna í 1852, gjørdist Gøtugjógv miðdepilin í Gøtu, og har varð fyrsti skúli bygdur í 1890. Ein nýggjur skúli bleiv bygdur í 1929 og seinni útbygdur í fleiri umførum, seinast í 2010.

Í 1924 varð missiónshúsið Betania bygt; tað er nú niðurrivið, men eitt nýtt er í gerð. Í 1930-árunum bygdi avhaldsfelagið N.I.O.G.T. (Nordic Independent Order og Good Templars) Glottin felagshús. Eisini brøðrasamkoman hevur sal í bygdini, Filadelfia.

Bankar, posthús og handil hava eisini verið við Gøtugjógv, men framtíðarumskipanir í postverkinum kunna broyta hetta.

Tann nýggja Gøtu kirkja, sum kom fyri ta gomlu í Norðragøtu, var liðug í 1995. Kirkjan, sum varð vígd 25. juni, meðan Margreta 2. drotning og norðurlendskir bispar vóru hjá, er prýdd við stórum glasmálningum eftir Trónd Patursson.

Les meira

• Eysturoy
• Æðuvík
• Eiði og Eiðis kommuna
• Elduvík
• Fuglafjørður og Fuglafjarða kommuna
• Funningur
• Gjógv
• Gøta
• Hellurnar
• Kambsdalur
• Lamba
• Lambareiði
• Leirvík
• Ljósá
• Nes kommuna og Nes bygd (Eysturoy)
• Norðragøta
• Norðskáli
• Oyndarfjørður
• Oyrarbakki
• Oyri
• Rituvík
• Runavík og Runavíkar kommuna
• Saltnes
• Selatrað
• Sjóar kommuna
• Skálafjørður
• Skáli
• Skipanes
• Søldarfjørður
• Strendur
• Sunda Kommuna
• Svínáir
• Syðrugøta
• Toftir
• Undir Gøtueiði

Les meira um oyggjar, býir og bygdir í Føroyum