Skálafjørður

© Styrelsen for Dataforsyning og Infrastruktur
Eysturoyartunnilin varð tikin í nýtslu í 2020 og er størsta bygningsverk higartil í Føroyum. Tróndur Patursson gjørdi listarverkið í rundkoyringini í tunlinum. Ringurin av fólki, sum stendur øksl við øksl, sipar til føroyska dansin, men skal skiljast breiðari, sigur listamaðurin, sum ein ímynd av tí samanhaldi, ið er fyritreytin fyri samfelagsmenningina. Eyðun Eliasen, arkitektur, teknaði inngongdirnar og gjørdi ljósuppsetingina í tunlinum, sum er í fleiri litum.
ÓLAVUR FREDERIKSEN/TRAP FØROYAR, 2021

Niðursetubygdin Skálafjørður, sum liggur innanst á Skálafjørðinum, er nevnd í 1630. Her rennur áin Fjarðará út í fjørðin, og her er sandur í fjøruni.

Her fór kristiligi felagsskapurin Keldan undir virki í 1987, og í 2004 bygdu tey ein stóran depil við væl útgjørdum møtisali. Til samkomuna Kelduna hoyrir eisini frískúli við undirvísing frá forskúla til 7. flokk. Í Skálafirði búgva 132 fólk.

Les meira

Les meira um oyggjar, býir og bygdir í Føroyum

  • Jóan Pauli Joensen

    (f. 1945) Dr.phil. í søgu og fil.dr. í tjóðlívsfrøði. Professari emeritus, adjungeraður professari við Fróðskaparsetur Føroya og fyrrverandi rektari Setursins.