Froðba

Froðba er 24 merkur, av teimum 3 merkur og 10 gyllin festijørð, sum er býtt millum tveir festarar, og 20 merkur og 6 gyllin í óðalsjørð. Í Froðba búgva 288 fólk. Áseyðatalið er 1.120.

Bygdin ber dám av at vera gomul. Hon hevur stóran bø, og har er reiðiliga nógv seyðahald, sum ber dám av at vera hjávinna ella ítriv. Bygdin liggur uttast norðarumegin í innsiglingini til Trongisvágsfjørð. Við Froðbiarnípu stendur Báradrangur, sum sjómenn kalla Biðjandi Munkin. Har um leiðir eru áhugaverdar basaltmyndanir, eitt nú bogaskapaðir stabbar við Kulagjógv.

Froðba eru tríggir gamlir býlingar: á Hamri, á Bø og undir Skorum. Sóknarkirkja og kirkjugarður hjá allari sóknini vóru úti á Bø (trúliga elsti býlingurin), og har varð ein rúnasteinur funnin í 1840. Tann nýggjasta kirkjan frá 1840 varð flutt til Tvøroyrar í 1856. Undir Skorum er ein lítil bryggja til smáar bátar og tyrlupallur.

Skaldið Poul F. Joensen búði alt vaksnamannalív sítt í Froðba, og har er ein bringumynd reist av honum.

Les meira

• Akrar
• Fámjin
• Hov
• Hvalba
• Lopra
• Nes
• Ørðavík og Ørðavíkslíð
• Porkeri
• Sandvík
• Sumba og Sumbiar kommuna
• Trongisvágur
• Tvøroyar kommuna
• Tvøroyri
• Vágur
• Víkarbyrgi og Hamrabyrgi
• Suðuroy

Les meira um oyggjar, býir og bygdir í Føroyum