Tvøroyar kommuna

© Styrelsen for Dataforsyning og Infrastruktur
Kort av sýslum og kommunum.
KF.FO OG PEDER DAM, 2022.

Bygdirnar Froðba, Tvøroyri, Trongisvágur, Ørðavík og Ørðavíkslíð bóru til 1972 heitið Froðbiar Sóknar kommuna, men tá varð navnið broytt til Tvøroyrar kommuna. Bygdirnar og býlingarnir í kommununi, sum áður lógu spjaddir, eru nú at kalla samanvaksnir kring um allan Trongisvágsfjørð.

Elsti kirkjugarður í sóknini er Úti á Bø í Froðba, men næsti kirkjugarðurin, sum er frá árinum 1900, er í Ørðavíkslíð. Í 1950 varð nýggjur kirkjugarður gjørdur undir Akurgerði.

Havnarlag varð bygt í 1938 til uppskiping av koli og salti á Drelnesi. Ferjulega varð gjørd á sama stað í 1988- 89. Á Hvítanesi varð bryggja gjørd í 1950, og tvær bátahavnir vórðu bygdar ávikavist í Heiðunum (1972) og á Tvørábakka (uml. 1980).

Fyrsta skipasmiðja í Føroyum, Færøernes Ophalingsbeding, varð stovnað her í 1894. Seinni komu ymsar smiðjur, bátasmiðjur, bakarí og kondittarí, skósmiður, ursmiður, bókbindari, rakarar, frisørar umframt margarin- og mjólkarveiting, sum í mong ár hevði skipið Sigmund; umframt at flyta mjólk var hann eisini ferðafólkaskip millum bygdirnar í Suðuroy.

Les meira

Les meira um oyggjar, býir og bygdir í Føroyum

  • Annika Y. Skaalum

    (f. 1958) Cand.phil í søgu, hjágrein í stjórnmálafrøði. Lærari á Glasi og Fiskivinnuskúlanum í Vestmanna. Skjalavørður á Tjóðskjalasavninum.