Haldórsvík

© Styrelsen for Dataforsyning og Infrastruktur
Tann sjáldsama áttahyrnta kirkjan í Haldórsvík varð bygd í 1856, eitt hugskot hjá sóknarprestinum C.V. Pryts. Í síni ætlan skrivar hann »kirken skal bygges efter en hidtil på Færøerne ukendt plan«. Fyrimyndin var barokkkirkjan á Frederiksberg í Keypmannahavn. Av fíggjarligum ávum varð hon tó ikki endaliga liðug fyrr enn í 1932.

Haldórsvík ella bara Vìk er 12 merkur, 4 merkur og 4 gyllin eru festijørð, og festini eru fýra, og 7 merkur og 12 gyllin eru óðalsjørð. Har búgva 109 fólk. Seyðatalið er 792 áseyðir.

Fjøllini um bygdina eru høg, og hamrar eru eisini í bønum, sum summastaðni er so brattur, at tey hava gjørt bríkar, fyri at fáa velt bøin.

Bygdin er vaksin í nýggjari tíð saman við menningini av fiskivinnuni. Í 1970-árunum vórðu havnarviðurskiftini í Haldórsvík bøtt, og eitt flakavirki sett á stovn. Tað gav fólkinum arbeiði, til tað varð niðurlagt í 1990-árunum. Tað verður í dag brúkt sum tænastudepil hjá laksaalingini har á leið. Bygdin hevur enn eina lítla havn.

Tann serstaka áttahyrnta kirkjan í Haldórsvík varð bygd í 1856 við fyrimynd í Frederiksberg kirkju í Keypmannahavn. Í 1996 fekk hon nýggja altartalvu eftir Torbjørn Olsen. Evnið er seinasta kvøldmáltíðin, og á myndini síggjast kend andlit úr listarumhvørvinum í Føroyum.

Bygdin fekk skúla í 1904, og hann varð niðurlagdur í 2016, tá ið næmingarnir fóru í Skúlan við Streymin.

Les meira

Les meira um oyggjar, býir og bygdir í Føroyum

  • Jóan Pauli Joensen

    (f. 1945) Dr.phil. í søgu og fil.dr. í tjóðlívsfrøði. Professari emeritus, adjungeraður professari við Fróðskaparsetur Føroya og fyrrverandi rektari Setursins.