Kirkjubøur

Í Kirkjubø búgva 88 fólk, og har eru 39 merkur av festijørð, og festini eru fýra; eitt teirra er á økinum hjá markatalsbygdini, sum er á Argjum. Seyðatalið er 702 áseyðir.

Úr bygdini sæst út á Kirkjubøhólm, sum einaferð var landfastur. Søgn er, at ódnarveðrið á kyndilsmessuni hørðu 2. februar 1602 skolaði stór øki burtur, og hólmurin kom. Hetta ódnarveður gjørdi eisini um seg í Saksun. Søgnin sigur, at Sverri Sigurðsson, sum seinni gjørdist noregskongur, varð føddur í Sverrisholu í hamrinum oman fyri bygdina.

Tað gamla katólska bispasetrið við bispagarði, kirkjuni Ólavskirkja ella Mariukirkjuni, sum er elsta sóknarkirkja í landinum, er frá 1200-talinum.

Kirkjubøur er landbúnaðarbygd, har Gazet Patursson í nógv ár eisini hevði urtagarð við grønmeti og plantum, sum vórðu seldar, serliga í Havn. Bóndin, poltikarin og yrkjarin Jóannes Patursson búði í bygdini, og tað gjørdi yngsti sonurin, politikarin Erlendur Patursson eisini á gamalsaldrinum. Rithøvundurin og vallarin Sigert Patursson, sum í 1901 skrivaði bókina Sibirien í vore dage varð føddur í Kirkjubø. Listarmaðurin Tróndur Patursson er eisini úr Kirkjubø og býr og arbeiðir har.

Í dag er bygdin eitt av teimum týdningarmestu ferðamálunum í landinum.

Les meira

• Haldórsvík
• Hósvík
• Hvalvík
• Kaldbak
• Kaldbaksbotnur
• Kollafjørður
• Kvívík og Kvívíkar kommuna
• Langasandur
• Leynar
• Nesvík
• Norðradalur
• Saksun
• Skælingur
• Streymnes
• Streymoy
• Stykkið
• Sund
• Syðradalur (Streymoy)
• Tinganes
• Tjørnuvík
• Tórshavn
• Úti á Bø
• Válur og Nes
• Velbastaður
• Vestmanna og Vestmanna kommuna
• Við áir

Les meira um oyggjar, býir og bygdir í Føroyum