Reiðaríið Varðin

Í 1985 kom landsstýrið við tí sokallaða skipapakkanum, sum skuldi tryggja, at føroysk skip vórðu bygd til at fiska svatkjaft í føroyskum sjógvi. Í januar 1987 sigldi reiðaríið hjá Jákupi Jacobsen og Tummasi Thomsen sítt fyrsta skip Trónd í Gøtu inn á Gøtu.

Tá ið fíggjarkreppan rakti Føroyar í 1990, varð eisini reiðaríið rakt, og til tess at bjarga skipinum avgjørdi manningin at lækka sína egnu hýru nakað og seta nýggjan kapital í reiðaríið. Tí hóraði Tróndur í Gøtu undan, sum annað av bara tveimum skipum. Skipapakkin hevði umfatað 16 skip.

Í 1990-árunum gekk væl við svartkjaftaveiðuni, og eisini fiskiskapur eftir sild og makreli byrjaði. Sostatt var reiðaríið væl fyri, tá ið uppsjóvar fiskarí av álvara tók seg upp í føroysku fiskivinnuni stutt eftir 2000. Reiðaríið fekk møguleika at keypa onnur uppsjóvarskip og teirra veiðikvotur.

Í 2011 broytti reiðaríið framferð. Saman við øðrum valdu tey at keypa bæði skip og verksmiðjur frá Faroe Seafood, sum var farið á heysin. Hetta virkið, Faroe Origin, hevur tvey flakavirki og seks trolarar, sum serliga fiska og viðgera upsa. Í 2012 bygdu tey eina uppsjóvarverksmiðju á Tvøroyri við navninum Varðin Pelagic, har tey stóru skipini hjá reiðarínum fáa landað sína stóra veiðu.

Í dag arbeiða næstan 400 fólk í reiðarínum, og árligi umsetningurin er yvir eina milliard krónur.

Les meira

• Bakkafrost
• Fiskivinnan
• Føroya stjórn og stýrisskipan
• Heilsa og umsorgan
• Hiddenfjord
• Íbúgvar og bústaðir
• Koks
• Kommunurnar
• Laksaaling
• Landbúnaður
• Orkuveiting
• Politikkur og ætlanir
• Salt
• Útbúgving og gransking
• Veltan
• Vindmyllir
• Vinna og arbeiðsmarknaður

Les meira um føroyska samfelagið og vinnulívið