Skarvanes

Skarvanes er 12 merkur; 1 mørk, 15 gyllin og 5 skinn eru festijørð, sum ein festari hevur, og 10 merkur og 15 skinn eru óðalsjørð. Áseyðatalið er 495. Á Skarvanesi búgva 10 fólk.

Tað ber til at fylgja búsetingini á Skarvanesi aftur í 16. øld. Fjøran í bygdini er eyðkend av nógvum reka og strandvarpi.

Eingin kirkja er í bygdini, og skúlin frá 1935 er niðurlagdur.

Sum gott sólarpláss var Skarvanes eitt tað besta kornplássið í Føroyum, og kornmylla stóð í mataránni. Myllan er nú friðað sum mentanarligt minnismerki.

Sjálvlærdi málarin Díðrikur á Skarvanesi við sínum mongu fuglatekningum er ein av fyrstu listamonnum Føroya. Fimm av málningum hansara eru varðveittir og eru til sýnis í Listaskálanum í Havn.

Les meira

• Dalur
• Húsavík
• Sandur
• Skálavík
• Skopun
• Sandoy

Les meira um oyggjar, býir og bygdir í Føroyum