Bygningar á biskupssetrinum

Kirkjurnar frátaldar hevur biskupsgarðurin verið tann mest týðandi bygningurin í Kirkjubø í miðøld. Útgrevstrar, sum føroyskir, norskir og danskir fornfrøðingar gjørdu árini 1953-1955, góvu eitt yvirlit yvir byggisøguna hjá garðinum, og hvussu hann var ætlaður at vera. Garðurin hevur verið ein umleið 2500 m² stór og afturlatin eind, sum í høvuðsheitum vóru tvær javnfjarar lonir hvør sínumegin eitt 16 m breitt steinsett tún. Eystara lonin man helst hava verið í tveimum grótlaðaðum hæddum, og her hevur biskupur havt tilhald. Lonin hevur síðan verið umbygd í sambandi við, at farið var undir at byggja ta nýggju dómkirkjuna. Kjallararúmini munnu hava horvt móti túninum. Sannlíkt hava kjallaraveggirnir longu í miðøld borið eina 45 m langa og 7 m breiða yvirtrom úr timbri og helst við tilhoyrandi úthúsum. Fyri suðurendan á túninum hevur verið ein grótlaðaður veggur. Seinni er ein lon bygd aftur at vesturlonini oman við kirkjugarðin vestanfyri.

Húsini á biskupsgarðinum fóru sum aðrar kirkjuognir undir kong, tá ið trúbótin kom, og garðurin hevur síðan verið kongsjørð. Bygningarnir eru ólíkt øðrum húsum í Føroyum ikki stavlagshús, men stokkahús. Elsti parturin av húsunum ætlast at vera eldri enn frá 1350.

Les meira

• Byggisiðir í Føroyum
• Dómkirkjan
• Felagslív og sjálvboðið arbeiði
• Kirkjur
• Líkhús
• Magnuskirkjan
• Siðsøgulig søvn og mentanararvur
• Siðvenjur og frásagnir
• Tjóðsavnið
• Tjóðskjalasavnið
• Trúgv og trúarligt virksemi

Les meira um føroyska mentan