Vatnsoyrar

© Styrelsen for Dataforsyning og Infrastruktur

Niðursetubygdin Vansoyrar varð í 1921 bygd í Miðvágs haga. Tríggjar familjur úr Sørvági búsettust har. Undir seinna heimsbardaga løgdu bretar hald á bygdina, íbúgvarnir máttu flyta, men teir komu aftur eftir krígslok.

Í 1967 lótu brøðrasamkomurnar byggja hús til summarlegur og annað virksemi, Zarepta, og hagar fara børn og ung úr øllum Føroyum á legu. Zarepta hevur nógvar hentleikar og hevur verið útbygt fleiri ferðir, seinast í 2016, tá ið nýggjur høvuðsbygningur varð gjørdur.

Í 1968 varð Vatnsoyra snikkaravirki stovnað. Nú ber tað navnið Grant og er eitt nýmótans vindeygavirki.

Í bygdini er haraftrat ein væl rikin klædnahandil og eitt lítið savn av ellisakførum. Tað búgva 42 fólk í Vatnsoyrum.

Les meira

Les meira um oyggjar, býir og bygdir í Føroyum

  • Jóan Pauli Joensen

    (f. 1945) Dr.phil. í søgu og fil.dr. í tjóðlívsfrøði. Professari emeritus, adjungeraður professari við Fróðskaparsetur Føroya og fyrrverandi rektari Setursins.

  • Jon Sigurð Hansen

    (f. 1967) Cand.mag. í søgu. Rithøvundur, sjálvstøðugur.